Në kuadër të vizitës së zyrtare në Turqi, Ministri i Zhvillimit Rajonal z. Fikrim Damka, mori pjesë në takimin e 2-të të Balkantürksiad (Shoqata e Industrisë dhe Biznesmenëve të Ballkanit Rumeli) i cili u mbajt më datë 17.10.2024 dhe mblodhi së bashku personalitete të rëndësishme të botës së biznesit nga Turqia dhe Ballkani duke krijuar një platformë strategjike për thellimin e bashkëpunimit ekonomik dhe forcimin e marrëdhënieve tregtare ndërmjet rajonit.

Ministri z.Damka theksoi rëndësinë e bashkëpunimit ekonomik rajonal, duke nënvizuar se ky lloj dialogu mes komuniteteve të biznesit dhe institucioneve qeveritare do të sjellë përfitime të ndërsjella, veçanërisht në fusha si infrastruktura, teknologjia dhe investimet strategjike. Ai poashtu theksoi se përforcimi i lidhjeve tregtare dhe projekteve të përbashkëta do të kontribuojë jo vetëm në zhvillimin ekonomik të rajonit, por edhe në stabilitetin afatgjatë të tij.

Ky aktivitet shërbeu gjithashtu për të hedhur bazat e projekteve të reja që do të fuqizojnë lidhjet ekonomike mes Turqisë dhe vendeve të Ballkanit, duke krijuar mundësi të reja për investime dhe zhvillim të qëndrueshëm.

Takimi përbënte një hap të rëndësishëm drejt rritjes së mirëqenies dhe stabilitetit në rajon, duke ofruar një vizion të përbashkët për një të ardhme më të ndritur dhe bashkëpunuese.