Më datë 18.10.2024, Ministri i Zhvillimit Rajonal, z. Fikrim Damka, zhvilloi një takim të rëndësishëm me Zëvendësministrin e Shëndetësisë së Turqisë, Dr. Yasin Erkoç, në kuadër të vizitës së tij zyrtare në Turqi.

Gjatë takimit, u zhvilluan diskutime të thelluara mbi mënyrat për përmirësimin e shërbimeve shëndetësore në Kosovë dhe mbi rëndësinë e zbatimit të projekteve të reja bashkëpunuese që do të sjellin përfitime të ndërsjella. Dr. Yasin Erkoç nënvizoi gatishmërinë e Turqisë për të mbështetur projekte të tilla, përmirësimit të teknologjisë mjekësore dhe trajnimit të stafit shëndetësor.

Ministri Damka shprehu mirënjohje për mbështetjen e deritanishme nga Turqia në sektorin e shëndetësisë dhe theksoi nevojën për të avancuar bashkëpunimin në projekte konkrete që do të ndikojnë në rritjen e cilësisë së shërbimeve shëndetësore në Kosovë. Ai shtoi se ky bashkëpunim nuk është vetëm një çështje teknike, por edhe një faktor kyç për përmirësimin e mirëqenies së përgjithshme të qytetarëve dhe forcimin e marrëdhënieve mes dy vendeve.

Në këtë vizitë, Ministri Damka u shoqërua nga Kryetari i Komunës së Mamushës, z. Abdülhadi Krasniç, dhe këshilltari i tij, z. Muaz Kazazi.