Më 23 tetor 2024, Zëvendësministri i Zhvillimit Rajonal z. Ali Tafarshiku, vizitoi nga afër punimet që po zhvillohen në hyrje të Klinës, ku po investohet në trotuare, shtigje për çiklistë, hapësira të gjelbërta, ndriçim publik, si dhe zgjerimin e rrugës dhe infrastrukturës nëntoksore.

 Ministria e Zhvillimit Rajonal dhe komuna e Klinës po bashkëfinancojnë projektin kapital“Rregullimi i trotuarit dhe shtegut të biçikletave me infrastrukturë përcjellëse nga qyteti i Klinës deri të udhëkryqi Pejë-Prishtinë, faza II”. 

 Gjatë vizitës z. Tafarshiku u informua për progresin e punimeve dhe u shpreh i lumtur që ato po zhvillohen me cilësi të lartë dhe me një intensitet të shtuar. Ky investim i rëndësishëm synon të përmirësojë infrastrukturën dhe cilësinë e jetës për qytetarët e Klinës duke sjellë përfitime afatgjata për komunitetin lokal.