Më datë 23 tetor 2024, Zëvendësministri i Zhvillimit Rajonal z. Ali Tafarshiku, vizitoi komunën e Skenderajt, ku po realizohen investimet në fazën e II-të për ndërtimin e Çerdhes së re publike me kapacitet për afër 100 fëmijë.

Ky projekti financohet nga MZHR në bashkëfinancim me komunën e Skenderajt.

Gjatë vizitës, z. Tafarshiku u njoftua nga Drejtoresha e Zhvillimit Ekonomik, znj. Besarta Meha, dhe zyrtarë komunal për progresin e punimeve të cilat po zhvillohen me cilësi dhe intensitet të lartë.

Projekti në fjalë pritet të përfundojë deri në fund të vitit 2024, duke sjellë përfitime të rëndësishme për komunitetin lokal, si në edukimin parashkollor ashtu edhe në fuqizimin ekonomik të grave në komunën e Skenderajt.