Në kuadër të projektit YENI i bashkë financuar nga Ministria e Zhvillimit Rajonal dhe Caritas-it Zviceran Zyra në Kosovë, Ndikimi i Rinisë në Mjedis. Më datë 19.10.2024, Eko Klubi i Shkollës së Mesme Profesionale “Bahri Haxha” në Vushtrri, në bashkëpunim me partnerin implementues “CEDE” ka zhvilluar dhe realizuar projektin përfitues mjedisor të garës për çmimin e  vendit të parë  ”Dervish Rozhaja” 2024.

Qëllimi i këtij aktiviteti ishte,  përurimi i zbatimit të projektit përfitues mjedisor të vendit të parë ”Dervish Rozhaja” 2024 të Eko klubit të shkollës së mesme profesionale “Bahri Haxha” në Vushtrri  dhe të promovohen investimet e përfunduara në kuadër të projektit, të financuar nga Ministria e Zhvillimit Rajonal dhe Caritasit Zviceran, Zyra në Kosovë.

Si rezultat i këtij çmimi të fituar; Shkolla e Mesme Profesionale “Bahri Haxha” në Vushtrri është pajisur me 15 klima efeciente të cilat do të bëjnë zëvendësimin e ngrohjes me lëndë djegëse në aneksin A të objektit shkollor.

Me atë rast, moderimin dhe prezantimin e projektit e kanë bërë nxënësit e Eko Klubit të shkollës, si dhe përpos nxënësve dhe arsimtareve të shkollës, të pranishëm në këtë ceremoni  ishin edhe; Përfaqësuesi i MZHR; Përfaqësues i projektit YENI nga Caritasi Zviceran; Përfaqësuesi i  Drejtorisë së Arsimit të Komunës së Vushtrrisë, Përfaqësues të OJQ “CEDE”, si dhe Anëtari i Komisionit Vlerësues të projekteve për çmimin ”Dervish Rozhaja” 2024, Prof. Isa Elezaj.