Sot më datë 4 nëntor 2024, Ministria e Zhvillimit Rajonal në bashkëpunim me TAIEX po realizojnë ditën e parë të punëtorisë së përbashkët me ekspertet ndërkombëtarë nga Kroacia dhe Polonia.

Dita e parë e punëtorisë u hap nga Sekretari i Përgjithshëm i Ministrisë së Zhvillimit Rajonal z. Besim Kamberaj, i cili theksoi rëndësinë e zhvillimit të kapaciteteve të menaxhimit të projekteve për të përmirësuar efektivitetin e investimeve rajonale dhe rritjen ekonomike të qëndrueshme.

Qëllimi i punëtorisë ishte të zhvillohen strategji për përmirësimin e aftësive në menaxhimin e projekteve dhe avancimin e kapaciteteve të brendshme në MZHR.

Ditën e parë e punëtorisë pjesëmarrësit u njohën me praktikat aktuale të menaxhimit të projekteve, vlerësimin e aftësive dhe nevojat për trajnim. Gjithashtu, u prezantuan prezantimet nga: z. Tomislav Belovari-ekspert nga Kroacia, znj. Bożena Pietras-Goc Eksperte nga Ploonia, z.Ylber Çitaku, Drejtor i DZHR-së, znj.Refike Sulejvsi, Drejtoreshë e DIEKP, znj, Jeta Nushi- Udhëheqëse e Divizionit për Zhvillim dhe Menaxhim të Projekteve dhe z.Sokol Luta –Drejtor i AZHR Perëndim.

Në këtë punëtori u diskutuan sfidat aktuale dhe identifikimi i fushave ku nevojitet zhvillimi i aftësive për përmirësimin e efikasitetit të projekteve.

Punëtoria synon të forcojë kapacitetet profesionale të pjesëmarrësve në menaxhimin efektiv të projekteve dhe të krijojë një platformë për shkëmbimin e përvojave dhe praktikave më të mira ndërkombëtare dhe raste studimore dhe praktika më të mira nga Kroacia dhe Polonia.

Punëtoria mbi ”Asistencën Teknike për Zhvillimin e Projekteve të Përbashkëta” përfundoi punimet sipas agjendës së ditës së pare për të vazhduar nesër.