Sot më datë 10 dhjetor 2024, Sekretari i Përgjithshëm i Ministrisë së Zhvillimit Rajonal, z. Besim Kamberaj mori pjesë në ceremoninë përmbyllëse të projektit trevjeçar Veprimi i Komunave për Riintegrim dhe Diasporë (MARDI), organizuar nga Caritas Switzerland në Kosovë.

Në fjalimin e tij, z. Kamberaj theksoi rëndësinë e rezultateve të arritura përmes partneriteteve të suksesshme dhe shprehu përkushtimin e vazhdueshëm të Ministrisë për të mbështetur iniciativa që fuqizojnë zhvillimin rajonal, përmirësojnë cilësinë e jetës dhe forcojnë lidhjet me diasporën. Ai vlerësoi projektin MARDI si një shembull të shkëlqyer të bashkëpunimit që sjell ndryshime konkrete dhe krijon baza të qëndrueshme për zhvillim afatgjatë.

Nga ana tjetër, Dr. Gerhard Schaumberger, përfaqësues i Caritas Switzerland në Kosovë, nënvizoi rëndësinë e bashkëpunimit ndërmjet institucioneve shtetërore dhe organizatave ndërkombëtare, duke falënderuar të gjithë partnerët për angazhimin dhe përkrahjen e tyre gjatë zbatimit të projektit.

Projekti MARDI kishte për qëllim adresimin e sfidave të riintegrimit dhe përfshirjes së diasporës në zhvillimin rajonal.

Projekti MARDI u realizua me mbështetjen e Ministrisë së Zhvillimit Rajonal, Caritas Switzerland në Kosovë, Agjencisë Zvicerane për Zhvillim (SDC) dhe Qeverisë së Principatës së Lihtenshtajnit