Ministria e Zhvillimit Rajonal nga data 13 deri më 15 Dhjetor 2024, mbajti punëtorinë vjetore me qëllim të prezantimit të arriturave dhe sfidat nga plani i brendshëm i punës për vitin 2024.
Fillimisht, Ministri z.Fikrim Damka falënderojë të gjithë punonjësit e Ministrisë për bashkëpunimin dhe angazhimin e lartë të realizuar gjatë vitit 2024. Këtë rezultat MZHR ka arritur falë një angazhimi të stafit të MZHR-së ku kemi arritur të kompletojmë korinzen ligjore për zhvillim rajonal të balancuar me miratimin e ligjit dhe akteve nënligjore, realizimin e projekteve, hartimin e dokumenteve strategjike, bashkëpunimit me donator dhe realizimin e konferencave në fushen e zhvillimit rajonal të balancuar.
Punëtoria në fjalë, u realizua mbi bazën e një agjende të ngjeshur të ndarë në katër (4) Sesione, ku në sesionin e parë (1) sipas agjendës Sekretari i Përgjithshëm i MZHR-së z. Besim Kamberaj, prezantoi të arriturat dhe sfidat në përmbushjen e planit të punës së v.2024 .
Sesioni i dytë (2) dhe i tretë (3) vazhdoi punimet me prezantimet nga të gjitha departamentet dhe divizionet e veçanta të MZHR—së dhe prezantim i planit të ri të punës për vitin 2025.
Në sesionin e katërt (4) u diskutuan Analiza e Planit të punës 2025 dhe shqyrtuan në hollësi konkluzionet dhe rekomandimet e dala gjatë punëtorisë si dhe finalizimi dhe implementimi i tyre sipas prioriteteve dhe afateve.
Punëtoria u përmbyll me konkluzionet e përgjithshme per të arriturat e v.2024 dhe rekomandimet për v.2025.
Gjithashtu, Ministri z. Fikrim Damka së bashku me Sekretarin e Përgjithshëm të MZHR-së z. Besim Kamberaj kanë shpërndarë mirënjohje për zyrtarët e dalluar të vitit 2024: znj. Gentiana Hasani – Zyrtare e Arkives, z. Hashim Ibishi – Zyrtar për Koordinim te Zhvillimit Rajonal, znj. Alma Ademi – Zyrtare per Integrime Evropiane, znj. Blinda Bytyçi – Zyrtare për Zhvillim Rajonal te Balancuar.
Në punëtori morën pjesë: Ministri - z. Fikrim Damka, z. Ali Tafarshiku - zv. Ministër, z. Elldin Uglari - zv. Ministër, z. Besim Kamberaj – Sekretari i Përgjithshëm, Këshilltarët e Ministrit të MZHR-së, Drejtorë të Departamenteve, Udhëheqës të Divizioneve të veçanta, Udhëheqës të Divizioneve dhe Zyrtarë tjerë të Ministrisë.
