Më datë 31.01.2025, Sekretari i Përgjithshëm i Ministrisë së Zhvillimit Rajonal (MZHR), z. Besim Kamberaj, së bashku me znj. Shyhrete Kastrati, Drejtoreshë e Departamentit për Performancë dhe Analiza S Rajonale (DPAR) në kuadër të MZHR-së, realizuan një takim me rektorin e Universitetit të Shkencave të Aplikuara në Ferizaj (USHAF)  z. Agron Bajraktari.

Qëllimi i takimit ishte avancimi i Sistemit të Performancës Rajonale, i krijuar në kuadër të shtatë rajoneve zhvillimore, për mbledhjen dhe përpunimin analitik të të dhënave, me qëllim hartimin e analizave socio-ekonomike rajonale.

Të dy institucionet shprehën angazhimin e tyre për vazhdimin e bashkëpunimit dhe për avancimin e Sistemit të Performancës Rajonale. Ky sistem pritet të kontribuojë në zhvillimin e balancuar rajonal, duke ofruar një mjet të përshtatshëm për matjen e performancës rajonale.

Në këtë takim morën pjesë: z.Besim Kamberaj, Sekretar i Përgjithshëm në MZHR, z.Agron Bajraktari- Rektor i Universitetit USHAF, znj.Fakije Zejnullahu -Prorektore për Digjitalizim, Inovacion dhe Teknologji të Informacionit, USHAF, znj.Shyhrete Kastrati- Drejtoreshë e DPASER dhe znj. Fatmire Thaçi- Udhëheqëse e Divizionit për Performancë Socio-Ekonomike Rajonale.