Një delegacion zyrtar nga Presidenca dhe Ministria e Mbrojtjes e Republikës së Turqisë, i shoqëruar nga Shefi i Misionit Turk në Kosovë, kolonel Ersin Çelikkanat, realizoi një vizitë zyrtare te Ministri në detyrë i Zhvillimit Rajonal, Fikrim Damka.

Gjatë takimit u diskutuan marrëdhëniet miqësore ndërmjet Turqisë dhe Kosovës si dhe mundësitë për bashkëpunim të mëtejshëm në fusha me interes të përbashkët.

Ministri Damka, duke shprehur mirënjohjen për këtë vizitë, theksoi se marrëdhëniet ndërmjet dy vendeve janë duke u forcuar vazhdimisht dhe vlerësoi mbështetjen e vazhdueshme nga Republika e Turqisë.

Vizita u përmbyll me urime të ndërsjella dhe shprehje të vullnetit për bashkëpunim të mëtejshëm.