Ministria e Zhvillimit Rajonal, sot më datë 16.07.2025, mbajti punëtorinë një ditore me qëllim të prezantimit të ”Realizimi i Planit të punës dhe sfidat e MZHR-së për vitin 2025”.
Në punëtori morën pjesë: Ministri në detyrë z. Fikrim Damka, zëvendësministrat në detyrë z. Ali Tafarshiku dhe z. Elldin Uglari, z. Besim Kamberaj – Sekretari i Përgjithshëm, këshilltarë politik të Ministrit, Drejtorët e Departamenteve, Udhëheqës të Divizioneve dhe të Njësive të Veçanta dhe zyrtarët e MZHR-së.
Fillimisht Ministri z. Fikrim Damka shprehu falënderimet e tij të sinqerta për gjithë punonjësit e Ministrisë, për bashkëpunimin dhe angazhimin e tyre të lartë gjatë kësaj periudhe. Ai vuri në dukje rëndësinë e punës së bërë deri tani, si dhe sfidat që mbeten për t’u përballuar në vazhdimësi. Ministri theksoi se përmbushja e planit të punës për vitin 2025 do të kërkojë një angazhim të përbashkët dhe bashkëpunim të ngushtë ndërmjet të gjitha departamenteve dhe divizioneve të Ministrisë. Në përmbyllje të fjalës së tij, z. Damka shprehu besimin e plotë se, me përkushtimin dhe bashkëpunimin e të gjithë stafit, MZHR-ja do të arrijë të realizojë objektivat e saj dhe të kontribuojë në mënyrë të ndjeshme në zhvillimin dhe përparimin e rajoneve në të gjithë vendin.
Sekretari i Përgjithshëm, z. Besim Kamberaj, prezantoi një përmbledhje të të arriturave kryesore të gjashtëmujorit të parë, duke vënë në dukje progresin në sektorë kyç të zhvillimit rajonal. Më pas, përfaqësuesit e departamenteve të ndryshme të ministrisë paraqitën të arriturat dhe sfidat e rezultateve në fushat e Integrimeve Evropiane dhe Koordinimit të Politikave, Planifikimit dhe Analizave Socio-Ekonomike Rajonale, Planifikimit dhe Koordinimit të Zhvillimit Rajonal, si dhe Shërbimeve të Përgjithshme.
Punëtoria vazhdoi punimet tutje me prezantimet e të arriturave të njësisë për Burime Njerëzore, Buxhet dhe Financa, Prokurim, Komunikim Publik dhe Divizion Ligjor, ku u diskutuan gjithashtu sfidat aktuale dhe nevojat për përmirësime në këto sektorë.
Në fund të punëtorisë u identifikuan pikat kryesore të planit që kërkojnë ndryshime dhe u diskutuan propozimet dhe sfidat e procesit të punës për vitin 2025.
