Në kuadër të thellimit të bashkëpunimit dhe koordinimit të aktiviteteve për një zhvillim rajonal të balancuar, znj. Kreshnike Arifi, Udhëheqëse e Divizionit për Koordinim të Zhvillimit Rajonal, zhvilloi një vizitë në Agjencinë për Zhvillim Rajonal Lindje (AZHR Lindje), ku u prit nga z. Agim Zeka, Drejtor i AZHR Lindje.

Gjatë takimit u diskutuan temat kryesore në lidhje me aktivitetet dhe punët aktuale të AZHR Lindje, duke përfshirë rifillimin e bashkëpunimit me Zyrën e Bashkimit Evropian, si dhe përgatitjet për themelimin dhe riorganizimin e Agjencisë për Zhvillim Rajonal në Qendrat e Zhvillimit Rajonal (QZHR).

Një rëndësi e veçantë iu kushtua promovimit të thirrjeve publike të Ministrisë së Zhvillimit Rajonal (MZHR), me fokus në thirrjen për Nën-Masën 2.1, e cila synon mbështetjen financiare të aktiviteteve zejtar, gjë që në këtë rajon zhvillimor janë në zhdukje e sipër.

Gjithashtu, gjatë takimit u trajtuan edhe çështje të tjera lidhur me zhvillimin rajonal dhe koordinimin ndërinstitucional për zbatimin e projekteve me ndikim të gjerë në rajonet Lindje dhe Jug-Lindje.

Në takim morën pjesë z. Agim Zeka, Drejtor i AZHR Lindje, znj. Valbona Tahiri, Zyrtare e lartë për projekte dhe nga MZHR, znj. Kreshnike Arifi, Udhëheqëse e Divizionit për Koordinim të Zhvillimit Rajonal.