Agjencia për Zhvillim Rajonal Lindje me mbështetje nga Ministria e Zhvillimit Rajonal, organizoi më 11 dhe 12 shtator 2025 punëtorinë dy-ditore me temë “Menaxhimi i subvencioneve për Ndërmarrjet e Vogla dhe të Mesme (NMV) në rajonin Lindje”.

Qëllimi i punëtorisë ishte forcimi i kapaciteteve lokale dhe rajonale për menaxhimin e subvencioneve, mbështetja e ndërmarrjeve të vogla dhe të mesme si motor i zhvillimit ekonomik, rritja e punësimit dhe krijimi i një mjedisi më të favorshëm për investime dhe zhvillim të qëndrueshëm në rajon.

Gjatë dy ditëve të punëtorisë u diskutuan praktikat më të mira në menaxhimin e subvencioneve, sfidat që hasin institucionet lokale dhe mënyrat për të përmirësuar mbështetjen ndaj biznesit të vogël dhe të mesëm. Ky aktivitet ofroi gjithashtu një platformë për shkëmbim të përvojave dhe diskutime mbi politikat zhvillimore rajonale, duke synuar të rrisë kapacitetet institucionale dhe të kontribuojë në zhvillimin socio-ekonomik të balancuar në nivel rajonal.

Në punëtorinë morën pjesë znj. Refike Sulçevsi- U.d. Sekretare e Përgjithshme e MZHR, z. Agim Zeka - Drejtor Ekzekutiv i AZHR Lindje si dhe përfaqësues të tjerë nga MZHR, AZHR dhe komunat e rajonit Lindje.