Me datë 23.10.2025 në ambientet e Ministrisë së Zhvillimit Rajonal (MZHR), në bashkëpunim me kompaninë UNISOFT, është organizuar dhe mbajtur trajnimi për përdorimin praktik të Sistemit të Performancës Rajonale.

Ky trajnim është organizuar nga Departamenti për Performancë dhe Analiza Rajonale, përkatësisht Divizioni për Performancë të Zhvillimit Rajonal të Balancuar, në bashkëpunim me kompaninë UNISOFT, operator ekonomik përgjegjës për krijimin e sistemit për matjen e performancës rajonale.

Qëllimi i trajnimit ishte prezantimi dhe përdorimi praktik i sistemit, i cili pritet të kontribuojë në zhvillimin rajonal të balancuar përmes një mekanizmi efikas dhe të qëndrueshëm për matjen e performancës rajonale.

Në trajnim morën pjesë përfaqësues nga ministritë e linjës: Ministria e Arsimit, Shkencës, Teknologjisë dhe Inovacionit (MASHTI), Ministria e Industrisë, Ndërmarrësisë dhe Tregtisë (MINT), Ministria e Bujqësisë, Pylltarisë dhe Zhvillimit Rural (MBPZHR), Ministria e Kulturës, Rinisë dhe Sportit (MKK), Ministria e Ekonomisë (ME).

Në këtë aktivitet morën pjesë edhe U.D. Sekretare e Përgjithshme në MZHR, Dr. Refike Sülçevsi, Udhëheqësja e Divizionit për Performancë të Zhvillimit Rajonal të Balancuar, znj. Fatmire Thaçi, Zyrtari për Zhvillim Socio-Ekonomik në MZHR, z. Xhevat Sefaj dhe zyrtarë të tjerë të MZHR-së.