Ministri i Zhvillimit Rajonal (MZHR-së) z.Fikrim Damka sot me datë 14.01.2022 realizoj takim pune me Kryetarin e komunës së Kamenicës z. Kadri Rahimaj.

Temë e takimit ishte informimi dhe bisedimi për projekt propozimet që kanë për qëllim të kontribuojë në krijimin e kushteve për zhvillimin e ekonomik rajonal që janë të qëndrueshme dhe promovojnë zhvillimin socio-ekonomik, mjedisor dhe kulturor të balancuar.

Në këtë takim Kryetari i Komunës z. Rahimaj si dhe Drejtorët e Drejtorive përkatëse u informuan për Skemën e Garantëve -Programi i Zhvillimit Rajonal, njëkohësisht të njëjtit u inkurajuan që Komuna e tyre të aplikojnë me projekte - propozime konkrete kapitale që ndikojnë në zhvillimin socio-ekonomik rajonal.

Ministri dhe zv.Sekretari i Përgjithshëm u falënderuan nga kryetari i Komunës për mbështetjen që i është dhënë komunës dhe për ofrimin e bashkëpunimit në të ardhmen me projekte që kontribuojnë në zhvillimin socio-ekonomik.

Ministri z.Fikrim Damka gjatë vizitës u shoqërua nga z.Besim Kambjeraj – zv.Sekretar i Përgjithshëm, z.Yildiray Bayram- Shef i Kabinetit, z. Ercan Şilik – Keshilltari i Ministri, z. Ylber Çitaku – zv. Drejtor i DZHR-së dhe znj. Arta Maloku – Udhëheqëse e DKP-së.