Ministria e Zhvillimit Rajonal (MZHR) sot me datë 11.02.2021 organizoi punëtorinë: “Prezantimi i Udhëzuesve dhe materialeve përcjellëse për dy Thirrjet e Vitit 2022, Programi për Zhvillim Rajonal 2022 dhe Thirrje për Propozime Programi për Zhvillim Rajonal të Balancuar 2022.
Punëtorinë e hapi z. Besim Kamberaj – zv.Sekratar i Përgjithshëm i MZHR-së, i cili i përshëndeti të pranishmit në emër të Ministrisë së Zhvillimit Rajonal, dhe ju urojë mirëseardhje në Punëtorinë “Prezantimi i Udhëzuesve dhe materialeve përcjellëse për dy Thirrjet – viti 2022’’. zv.Sekratari z. Besim Kamberaj theksoi që qëllimi i organizimit të kësaj punëtorie, është bërë me qëllim të prezantimit dhe diskutimit udhëzuesve dhe materialeve që do të përmbaje Thirrja për Investimet Kapitale në Komuna dhe thirrja për Biznese fillestare Start-up dhe atyre ekzistuese.
Pas fjalës së zv.Sekretarit të përgjithshëm z. Kamberaj, u bë prezantimi i programeve për Zhvillim Rajonal 2022 (Investimet Kapitale në Komuna) dhe Programi për Zhvillim Rajonal të Balancuar 2022, (ndihmë Bizneseve fillestare Start-up dhe atyre ekzistuese) nga z.Ylber Citaku – zv.Drejtor i Departamentit për Zhvillim Rajonal. Në fund, pjesëmarrësit paraqitni vlerësimet, konkluzionet dhe komentet lidhur me draft – kriteret të cilat i ka përgatitur MZHR rreth programeve për zhvillim rajonal të balancuar për vitin 2022.
Përveç përfaqësuesve nga MZHR zv.Ministri, Këshilltarët politikë të ministrit dhe drejtorët e departamenteve në punëtori morën pjesë edhe përfaqësuesit e BERZH-it, CARITAS, TIKA, Oda Tregtare Kosovaro Turk si dhe përfaqësuesit e pesë (5) AZHR-ve.
