Zëvendësministri i Ministrisë së Zhvillimit Rajonal z. Agon Dobruna, sot më datë 23.02.2022 takoj rektorin e UP-së z.Naser Sahiti

Në takim bashkë me Zëvendësministrin Dobruna, morën pjesë edhe z. Ergin Bunjaku, Këshilltar i Lartë i Ministrit dhe znj.Vjendita Avdiu - Musliu, zv.Drejtoreshë e  Departamentit për Planifikim dhe Analiza Socio Ekonomike Rajonale. Ndërsa, nga pala tjetër, bashkë me Rektorin z. Sahiti në takim ishte prezent edhe prorektorja e UP-së znj.Mimoza Ibrani.

Zëvendësministri Dobruna dhe Rektori Sahiti, diskutuan një mori të temave që ndërlidhen me fushën e zhvillimit rajonal të balancuar në Kosovë. Në këtë kontekst, Zëvendësministri Dobruna e njoftojë Rektorin  për mandatin e Ministrisë së Zhvillimit Rajonal, të arriturat e vitit 2021 dhe planet për vitin 2022. Njëra prej temave të prezantuara nga Zëvendësministri Dobruna që ndërlidhej me vitin 2022, ishte edhe organizimi i konferencës ndërkombëtare në fushën e zhvillimit rajonal të cilën MZHR do ta realizojë me 24 – 25 mars 2022, ku edhe ju dorëzua  ftesa rektorit të  UP-së.

Rektori z.Sahiti e falënderoi Zëvendësministri z.Dobruna për vizitën e bërë si dhe bashkëpunim në të ardhmen në mes të MZHR-së dhe UP-së. Ai po ashtu e  informoi Zëvendësministrin për projektet, të cilat Universiteti i Prishtinës është duke i trajtuar me prioritet aktualisht në fusha të ndryshme, siç janë ngritja e cilësisë, ndërkombëtarizimi, kërkimi shkencor e mësimdhënia dhe vuri në pah edhe vullnetin e UP-së për thellim të bashkëpunimit.

Palët u pajtuan që të vazhdojnë komunikimin lidhur me konkretizimin dhe realizimin e një memorandumi të bashkëpunimit të ndërsjellët  në të ardhmen