Zëvendësministri i Ministrisë së Zhvillimit Rajonal (MZHR) z.Ali Tafashiku më datë 22 Gusht 2023 realizoi vizitë zyrtare në komunën e Drenasit ku u prit nga kryetari i kësaj komune z.Ramiz Lladrovci.

- “Rregullimi i parkut dhe shtigjeve për këmbësor biçiklist në parkun e Kamenicës - Komuna e Drenasit”

Zëvendësministri z.Tafashiku po ashtu vizitoi për së afërmi projektin në fjalë, ku po vazhdojnë punimet në realizimin e projektit që ka vlerën prej 275,000.00 euro, projekti financohet nga Ministria e Zhvillimit Rajonal në bashkëfinancim me komunën e Drenasit.

Kryetari i komunës së Drenasit z. Ramiz Lladrovci falënderoi zëvendësministrin e Zhvillimit Rajonal z.Ali Tafashiku për përkrahjen dhe u zotua se do ta realizojë projektin me përkushtim me qëllim të përmirësimit të cilësisë së shërbimeve ndaj qytetarëve.

Zëvendësministri z.Tafashiku dhe kryetari z.Lladrovci shprehen gatishmëri që të vazhdojë komunikimi për bashkëpunim mes MZHR-së dhe komunës së Drenasit në të ardhmen për programet që lanson MZHR.