Me datë 31 Tetor 2024 në kuadër të vizitës zyrtare Ministri i Zhvillimit Rajonal, Fikrim Damka, zhvilloi një takim me Ministrin e Tregtisë së Republikës së Turqisë, Prof. Dr. Ömer Bolat. Në takim morën pjesë gjithashtu Drejtori i Përgjithshëm dhe Sekretari i Odës Tregtare Kosovë-Turqi.
Forumi për Investime dhe Biznes në Ballkan, i mbajtur në Edirne, ofroi një platformë të rëndësishme për të eksploruar mundësitë e investimeve dhe bashkëpunimit në rajon.
Në këtë takim të frytshëm në nivel ministrash, u diskutuan zhvillimi i marrëdhënieve tregtare mes dy vendeve, fuqizimi i bashkëpunimit ekonomik dhe realizimi i projekteve të përbashkëta. Ky takim, që premton bashkëpunime të ardhshme, synon të kontribuojë në thellimin e mëtejshëm të lidhjeve miqësore ndërmjet Kosovës dhe Turqisë edhe në fushën ekonomike.
