Divizioni Ligjor

Misioni i Divizionit Ligjor është të koordinojë procesin e hartimit të legjislacionit dhe të marrëveshjeve ndërkombëtare nga fushëveprimi i Ministrisë, duke siguruar respektimin e teknikave dhe standardeve për hartimin e legjislacionit, të siguroj përafrimin e legjislacionit të Ministrisë me legjislacionin e Bashkimit Evropian, të ofroj mbështetje profesionale, këshilla ligjore dhe rekomandime për strukturat tjera në kuadër të Ministrisë.

Detyrat dhe përgjegjësit e Divizionit Ligjor janë si vijon:

• Koordinon dhe merr pjesë në hartimin e akteve normative në bashkëpunim të ngushtë me njësitë tjera organizative nga fushëveprimtaria e ministrisë;
• Është përgjegjës për finalizimin e projektakteve normative;
• Në bashkëpunim me departamentet, njësitë apo personat përgjegjës për hartimin e projekt akteve normative, siguron përputhshmërinë e akteve normative të propozuara nga ministria përkatëse me legjislacionin e aplikueshëm në Republikën e Kosovës si dhe legjislacionin e Bashkimit Evropian – Acqius të BE-së, duke përfshirë përgatitjen e Deklaratës së Përputhshmërisë (DeP) dhe Tabelat e Përputhshmërisë (TeP);
• Jep opinione ligjore të kërkuara, nga fushëveprimi i ministrisë;
• Siguron respektimin e teknikave dhe standardeve të hartimit të legjislacionit nga fushëveprimi i Ministrisë;
• Bashkëpunon me Zyrën Ligjore të ZKM-së për përgatitjen, monitorimin dhe raportimin e Programit Legjislativ dhe për aktivitete tjera që ndërlidhen me procesin e hartimit të legjislacionit;
• Identifikon probleme të zbatimit të akteve normative;
• Bashkëpunon me Ministrinë e Drejtësisë për përfaqësimin e ministrisë në Gjykatë;
• Koordinon aktivitetet për zbatimin e legjislacionit me njësitë përkatëse të ministrisë si dhe me ministritë tjera;
• Mban dhe përditëson regjistrin e akteve nënligjore të ministrisë;
• Dërgon aktet nënligjore në Zyrën Ligjore te ZKM-së pas miratimit të tyre nga ministri;
• Propozon programin vjetor legjislativ të ministrisë, në bashkëpunim me të gjitha strukturat organizative të ministrisë.

Udhëheqësi i Divizionit Ligjor raporton tek Sekretari i Përgjithsëm.