Divizioni për Buxhet dhe Financa

Misioni i Divizionit për Buxhet dhe Financa është të mbështesë Ministrinë e Zhvillimit Rajonal në zbatimin e politikave dhe procedurave standarde të kontabilitetit, ligjet në fuqi, rregulloret që lidhen me fushën e buxhetit dhe financave.

Detyrat dhe përgjegjësitë e Divizionit për Buxhet dhe Financa janë si vijon: 

• Sigurohet që organizata buxhetore t`i respektojë të gjitha qarkoret e buxhetit dhe udhëzimet lidhur me hartimin dhe ekzekutimin e buxhetit;
• Koordinon dhe përgatitë buxhetin e Ministrisë me të gjitha njësitë kërkuese, duke përfshirë edhe kërkesat eventuale shtesë;
• Regjistron kërkesa buxhetore në sistemin e BDMS-së dhe PIP sipas planifikimeve të njësive buxhetore të Ministrisë;
• Përgatit KASH-in në bashkëpunim me njësitë e Ministrisë;
• Në bashkëpunim me njësitë bën hartimin e kërkesave për rishikim të buxhetit, duke u bazuar në kërkesat e njësive kërkuese për ridestinim të mjeteve nga një kategori ekonomike në kategorinë tjetër;
• Këshillon njësitë lidhur me procedurat dhe rregullat e planifikimit, shpenzimit dhe realizimit të buxhetit;
• Përgatit, analizon dhe vlerëson planin e rrjedhës së parasë, zotimeve dhe shpenzimeve, si dhe siguron se janë bërë në pajtim me procedurat dhe standardet e parapara me legjislacionin për buxhet dhe financa;
• Siguron që shpenzimet financiare janë bërë në përputhje me rregullat dhe procedurat financiare;
• Menaxhon paratë e gatshme në Ministri, realizimin e avanseve për udhëtime zyrtare në SIMFK;
• Përgatit raporte tremujore, gjashtëmujore, nëntëmujore dhe vjetore për shpenzimet buxhetore, bazuar në ligjin përkatës për menaxhimin e financave publike   dhe    përgjegjësitë  dhe legjislacionin tjetër në fuqi; 
• Mirëmban dhe i përcjell shpenzimet buxhetore dhe, njëherësh, raporton për të gjitha çështjet e analizave financiare, duke sinjalizuar me kohë për tejkalimet e tyre;
• Siguron që të jenë të vendosura sistemet dhe procedurat për të monitoruar secilin proces të shpenzimeve (nga inicimi deri te pagesa e faturave) dhe koordinimi i kalimit të urdhrave për zotim dhe të dokumenteve të tjera nga zyrtarët autorizues, zyra e Prokurimit, certifikimi, te Departamenti i Thesarit;
• Bën planifikimin, menaxhimin, realizimin, barazimin dhe raportimin e të hyrave të Ministrisë sipas njësive përkatëse;
• Raporton të hyrat, koordinon, mbikëqyr dhe zbaton politikat për të hyrat, bazuar në Ligjin për Menaxhimin e Financave Publike dhe Përgjegjësitë, Ligjin për Kontrollin e Brendshëm të Financave Publike dhe aktet e tjera nënligjore të fushës përkatëse;
• Siguron se menaxhimi dhe regjistrimi i pasurisë kontrollohet dhe mirëmban të gjitha informatat e nevojshme në pajtim me procedurat e përcaktuara ligjore, si dhe siguron zbatimin e standardeve të kontabilitetit për evidentimin dhe zhvlerësimin e pasurisë.

Udhëheqësi i Divizionit për Buxhet dhe Financa raporton tek Sekretari i Përgjithshëm.