Detyrat dhe përgjegjësitë e Divizionit për Teknologji Informative dhe Logjistikë janë si vijon:
Siguron që shërbimet e teknologjisë së informacionit dhe komunikimit të jenë efikase dhe efektive;
Harton projekte të teknologjisë informative në interes të MZHR-së;
Ofron mbështetje të TI-së për stafin e MZHR-së;
Siguron ofrimin e shërbimeve cilësore të pajisjeve për TI;
Siguron mirëmbajtjen e duhur të të gjitha pajisjeve të TI-ve (duke përfshirë kompjuterët dhe pajisjet përcjellëse, pajisjet për fotokopjim, telefona, fax, serverët, sistemin e Access kontrollit);
Siguron funksionimin normal dhe të rregullt të sistemit të telefonisë VoIP dhe funksionimin e rrjetit;
Mban seanca të trajnimit me personelin e ri sipas kërkesës (lidhur me kompjuterët, internetin, bazat e të dhënave që i posedon MZHR-ja);
Siguron bashkëpunim të mirëfilltë mes Divizionit të TI-së dhe ASHI-së;
Zbaton standardet ndërkombëtare të teknologjisë informative, legjislacionin dhe monitoron dispozitat e shërbimeve të TI-së në MZHR;
Menaxhon të gjitha automjetet që disponon MZHR-ja, mirëmbajtjen dhe servisimin e tyre;
Ndërmerr kontroll periodik dhe ditor me qëllim të verifikimit të zbatimit të legjislacionit për përdorimin e automjeteve;
Menaxhon nevojat e transportit dhe automjetet e ministrisë;
Mirëmban evidencën e regjistrimit dhe sigurimit të automjeteve si dhe të gjitha çështjet e tjera të logjistikës;
Organizon transportimin e delegacioneve zyrtare gjatë vizitave në Republikën e Kosovës;
Menaxhon inventarin dhe depot e Ministrisë;
Koordinon kërkesat dhe nevojat e Ministrisë për mallra dhe pajisje të zyrës për punë;
Ofron ndihmë logjistike për personelin e Ministrisë;
Menaxhon recepcionin e Ministrisë.
Udhëheqësi i Divizionit për Teknologji Informative dhe Logjistikë raporton tek Drejtori i Departamentit për Shërbime të Përgjithshme.
