Ministri i Zhvillimit Rajonal z. Fikrim Damka, më datë 19.09.2024 mori pjesë në ceremoninë e organizuar nga Caritas Zviceran, e cila shënoi 25 vjetorin e pranisë së tij në vendin tonë.
Ministri z. Damka në fjalimin e tij gjatë ceremonisë, falënderoi drejtorin e përgjithshëm të Caritas Zviceran z, Peter Lack, zv.Ambasadorin e Zvicrës në Kosovë z. Christoph Fuchs, si dhe të gjithë të pranishmit ku theksoi se bashkëpunimi me Caritas Zviceran është një shembull i shkëlqyer i asaj se si partneritetet midis qeverisë dhe organizatave ndërkombëtare mund të kenë një ndikim të thellë dhe afatgjatë për zhvillimin rajonal.
Ministri Damka shprehu angazhimin e tij për të vazhduar bashkëpunimin me organizata si Caritas Zviceran, duke theksuar rëndësinë e koordinimit dhe harmonizimit të përpjekjeve për të siguruar zhvillim socio- ekonomik rajonal të barabartë në të gjithë rajonet e Kosovës.
Ministria e Zhvillimit Rajonal ndër projektet më të rëndësishme të realizuara në bashkëpunim me Caritas Zvicerian janë Projekti YENI dhe Projekti MARDI.
