Sot më datë 12.08.2022, në ambijentet e Komunës së Vushtrris u nënshkrua marrëveshja e bashkëpunimit në mes CARITAS-it Zviceran dhe Komunës së Vushtrris, për Projektin “Ndikimi i rinisë në mjedis-YENI”
CARITAS-i Zviceran dhe Komuna e Vushtrris nënshkruan marrëveshje bashkëpunimi tre (3) vjeçare në përputhje me prioritetet e Ministrisë së Zhvillimit Rajonal dhe CARITAS-it Zviceran në fushat e mbrojtjes së mjedisit.
Ky projekt ka për qëllim që të përmirësoj veprimin klimatik dhe mbrojtjen e mjedisit, në kuadër të kësaj marrëveshje aktivitetet do të realizohen në dy (2) Shkolla të Mesme të Larta të komunës së Vushtrris, këto aktivitete pritet që të përmirësojnë veprimin klimatik dhe mbrojtjen e mjedisit.
Në prezencë të z.Ylber Çitaku zv.Drejtor i Departamentit për Zhvillim Rajonal, Departament ky përgjegjës për Koordinim dhe zbatim të Projektit YENI nga MZHR u nënshkruhet Marrëveshja nga kryetari i Komunës z.Ferit Idrizi, znj.Miradije Malooku Drejtoreshë e DKA-së dhe z.Kreshnik Basha Menagjer i Programit,
Të pranishmit në këtë takim vlerësuan lartë këtë marrëveshje bashkëpunimi dhe u zotuan se do të punohet me përkushtim në implementimin e këti Projekti në dy (2) Shkolla të Mesme të Larta (SHML) të Komunës së Vushtrris.
Projekti YENI bashkë financohet nga Ministria e Zhvillimit Rajonal e Kosovës dhe CARITAS-i Zviceran dhe do të mbulojë periudhën deri në fund të vitit 2024.
