Ministri në detyrë i Zhvillimit Rajonal z. Fikrim Damka, më datë 11 Gusht 2025 realizoi vizitë zyrtare në Ankara, ku zhvilloi një seri takimesh me përfaqësues të lartë të institucioneve turke, me qëllim avancimin e bashkëpunimit ndërmjet Kosovës dhe Turqisë.
Në kuadër të këtyre takimeve, ministri z.Damka u takua me Ministrin e Punëve të Jashtme të Republikës së Turqisë, z. Hakan Fidan, ku u diskutuan mundësitë për forcimin e marrëdhënieve dypalëshe dhe avancimin e projekteve të përbashkëta.
Gjithashtu, ministri zhvilloi një takim me Ministrin e Mbrojtjes Kombëtare, z. Yaşar Güler në Ministrinë e Mbrojtjes Kombëtare, ku u shqyrtuan mundësitë për bashkëpunim në fushën e sigurisë dhe mbrojtjes.
Ministri gjithashtu u takua me Kryetarin e Shoqatës së Turqve Jashtë dhe Komuniteteve të Afërta (YTB), z. Abdulhadi Turus. Ministri Damka i dëshiroi suksese në detyrën e tij të re dhe theksoi rëndësinë e forcimit të bashkëpunimit ndërinstitucional mes Kosovës dhe YTB-së.
Në vazhdim të vizitës, ministri pati takime edhe me Kryetarin e TİKA-s, z. Abdullah Eren, dhe me Zëvendëskryetarin e TİKA-s, Dr. Mahmut Çevik. Në këto takime u diskutuan projektet që synojnë fuqizimin e miqësisë dhe bashkëpunimit midis Kosovës dhe Turqisë, si dhe aktivitetet e TİKA-s në Kosovë.
Ministri z. Damka vlerësoi lart angazhimin e institucioneve turke dhe shprehu besimin se këto marrëdhënie do të vazhdojnë të zhvillohen në dobi të të dyja vendeve dhe qytetarëve të tyre.
