Me datë 24 – 25 Mars 2022, Ministria e Zhvillimit Rajonal realizoi Konferencën e parë Ndërkombëtare të Zhvillimit Rajonal dy ditore në Republikën Kosovës “Sfidat dhe perspektiva e zhvillimit rajonal në Ballkanin Perëndimor”.
Konferencën e hapi Ministri i Ministrisë së Zhvillimit Rajonal z. Fikrim Damka, i cili iu uroj mirëseardhjen gjithë pjesëmarrësve në Konferencën e parë Ndërkombëtare të Zhvillimit Rajonal e cila u mbajt në Prishtinë. Paraprakisht falënderoj të gjithë të pranishmit, ku gjatë këtyre dy ditëve u diskutua bashkëpunimin i ardhshëm në fushën e zhvillimit rajonal, avancimin e politikave socio-ekonomike të balancuara, shkëmbimin e përvojave lidhur me praktikat dhe programet në fushën e zhvillimit rajonal mundësitë për për pjesëmarrjen; programet trans nacionale dhe projektet e bashkëpunimit ndërkufitar mes shteteve. Ministri theksoj “Konferenca e Parë Ndërkombëtare e Zhvillimit Rajonal ne Prishtinë do të jetë një udhëkryq që të rrisë bashkëpunimin ndërmjet shteteve tona. Gjithashtu kjo iniciativë synojmë që të vazhdojë viteve në vijim me homologët e vendeve pjesëmarrëse për të diskutuar të arriturat dhe dimensionet të ndryshme në fushën e zhvillimit rajonal”.
Konferenca vazhdoi me fjalë rasti nga z. Albin Kurti-Kryeministër i Republikës së Kosovës, z. Tomáš Szunyog – Udhëheqës i Zyrës së Bashkimit Evropian në Kosovë z. Goran Milevski, Ministër i Ministrisë për Vetëqeverisje Lokale në Maqedoninë e Veriut, z. Çetin Ali Dönmez – Zëvendësministër në Ministrinë e Industrisë dhe Teknologjisë, Republika e Turqisë, z. Grozdan Karadjov – Zëvendëskryeministër dhe Ministër i Ministrisë për Zhvillim Rajonal dhe Punë Publike në Republikën e Bullgarisë (fjalim online), z.Amir Zukic – Ministër i Ministrisë për Zhvillim, Ndërmarrësi dhe Zejtari, Federata e Bosnjës dhe Hercegovinës (fjalim online).
Dita e Parë e Konferencës filloj punimet me prezantimet, diskutimet dhe bashkë bisedimet në panelet nga shtetet pjesëmarrëse duke filluar nga Republika e Kosovë, Republika e Bullgarisë, Maqedonia e Veriut, Republika Federale e Gjermanisë, Organizata SWG, Republika e Turqisë si dhe drejtoritë profesionale të cilat prezantuan programet, politikat dhe institucionet bartëse për zhvillimit rajonal.
Dita dytë e Konferencës vazhdoi punimet sipas agjendës me prezantimet, diskutimet dhe bashkë bisedimet e paneleve të shteteve pjesëmarrëse nga Republika e Kroacisë, Mali i Zi, Republika e Shqipërisë, Republika e Maqedonisë së Veriut, Republika e Turqisë Byroja për Zhvillim e Maqedonisë se Veriut, Fondi Shqiptar për Zhvillim si dhe Agjensioni për Zhvillim Rajonal-AZHR Perëndim.
Vlerë e shtuar e Konferencës ishin diskutimet profesionale që u zhvilluan në kuadër të 4 katër paneleve me pjesëmarrës profesionist të fushave ku ndanë përvoja, modele të avancuara në fushën e zhvillimit rajonal, si dhe rol te shtuar këto panele morën përmes pjesëmarrjes dhe diskutimeve konstruktive të rektorëve të Universitetit të Prishtinës, UBT-së, Universitetit të Shkencave të Aplikuara të Ferizajt, Kryetarët e komunave të Republikës së Kosovës si dhe përfaqësues nga Ministritë e Linjës.
Në fund të Konferencës z. Besim Kamberaj – zv.Sekretar i Përgjithshëm i Ministrisë së Zhvillimit Rajonal prezantoi konkluzionet përfundimtare të dala nga Konferenca Ndërkombëtare për Zhvillimin Rajonal dhe punimeve të ICRD 2022.
Ministri i MZHR-së z. Fikrim Damka përmbylli Konferencën e parë Ndërkombëtare të Zhvillimit Rajonal dy ditore në Republikën Kosovës, me fjalimin përmbyllës:
“Më lejoni të ju falënderoj për pjesëmarrjen dhe kontributin e juaj në Konferencën e parë Ndërkombëtare të Zhvillimit Rajonal në Kosovë. Dje dhe sot patëm mundësinë të diskutojmë bashkëpunimin e ardhshëm në fushën e zhvillimit rajonal, avancimin e politikave socio-ekonomike të balancuara, shkëmbimin e përvojave lidhur me praktikat dhe programet në fushën e zhvillimit rajonal. Bashkëpunimi gjithmonë hapë rrugë për ide dhe iniciativa të reja, edhe nga kjo konferencë besoj se vendet tona do të inicojnë marrëveshje bashkëpunimi, projekt ide të përbashkëta e shkëmbim te përvojave.
Shpresoj që me kolegët e mi homolog nga vendet pjesëmarrëse e më gjerë të vazhdojmë me këtë iniciativë për avancim të zhvillimit rajonal’’.
