Sot me datë 03.10.2022, Drejtori i Departmentit për Planifikim dhe Analiza Socio Ekonomike Rajonale z. Arton Berisha dhe Drejtori i Departmentit për Zhvillim Rajonal z.Ylber Citaku bashkë me zyrtarët tjerë nga DPASER dhe Oda Kosovaro-Turke, mbajtën takim të përbashkët për të diskutuar mundësitë e bashkëpunimit për promovimin e zhvillimit rajonal të balancuar përmes katalogjeve promovuese të biznese që MZHR i mbështet përmes Programit për Zhvillim Rajonal të Balancuar ( PZHRB).
Gjithashtu u bisedua dhe dakordua për pjsëmarrje të bizneseve në panaire të ndryshme ndërkombëtare për të promovuar bizneset, veprimtaritë si dhe thellimin e kontakteve të ndryshme për bashkëpunime mes dy vendeve. Palët u dakorduan që të inicojnë bashkëpunimin e tyre mes dy institucioneve dhe koordinohen për aktivitetet e lartëcekuar.
Në takim morën pjesë: z. Esin Muzbek, Sekretar i përgjithëshëm në OTKT, ekspertja e ekonomise ne Odë znj Oaza Binçe si dhe znj.Vjendita Avdiu-Musliu – Udhëheqëse e Divizionit për Zhvillim Rajonal të Balancuar në MZHR.