Sot më datë 09.02.2023, Ministria e Zhvillimit Rajonal (MZHR) organizoi takim konsultativ me odat ekonomike, donatorët, Agjensionet Rajonale Zhvillimore dhe partnerët tjerë për prezantimin e Udhëzuesit për Aplikantët nga Skema e Granteve “Programi për Zhvillim Rajonal të Balancuar” PZHRB 2023 dhe Udhëzuesit për Aplikantë – Programi për Mbështetje të Organizatave të Joqeveritare në avancimin e zhvillimit socio-ekonomik rajonal të balancuar për vitin 2023.
Takimi filloj me një fjalë hyrëse nga z.Agon Dobruna – Zëvendësministër i Ministrisë së Zhvillimit Rajonal i cili falënderoi të pranishmit dhe citoi që është mundësi e mirë që bashkërisht të informohemi dhe të diskutojmë Udhëzuesit lidhur me lansimin e Thirrjeve për Propozime për biznese dhe ndërmarrës të rinj përkatësisht për Organizatat e Shoqërisë Civile.
Z.Besim Kamberaj – zv.Sekretar i Përgjithshëm i MZHR-së vazhdoi punimet sipas agjendës, në sesionin parë u prezantua Prezantimi i Udhëzuesit të Programit për Mbështetje Financiare të Projekteve/Programeve të OJQ-ve në Avancimin e Zhvillimit Socio-Ekonomik Rajonal të Balancuar për vitin 2023, prezantimi u realizua nga znj. Vjendita Avdiu Musliu – Kryesuese e Grupit Punues. Në sesionin e dyte u prezantua Udhëzuesi i Programit për Zhvillim Rajonal të Balancuar 2023, përkrahja për biznese ekzistuese dhe Start-UP- prezantimi u realizuar nga znj.Ekzotina Brahimaj Kryesuese e Grupit Punues.
Takimin e përmbylli z.Besim Kamberaj – zv.Sekretar i Përgjithshëm i MZHR-së, duke nxjerrë konkluzionet, rekomandimet pas diskutimeve me të pranishmit dhe hapat që duhet të ndermirën para lansimit të Thirrjeve Publike të MZHR-së për vitin 2023.
