Ministri i Zhvillimit Rajonal z. Fikrim Damka, sot më 27 shtator 2024, priti në takim një delegacion të përfaqësuesve të biznesit nga Denizli – Turqi takim i organizuar nga Fondacioni EkoAvrasya dhe Aysiad.
Diskutimet u fokusuan në mundësitë e bashkëpunimit socio-ekonomik ndërmjet dy vendeve, duke theksuar sektorët potencialë për investime në Kosovë.
Delegacioni nga Turqia shprehu interesin për të eksploruar dhe kontribuar në zhvillimin e mëtejshëm të rajonit, ndërsa Ministri z.Damka theksoi rëndësinë e këtyre bashkëpunimeve për zhvillimin socio- ekonomik të vendit.
Palët u dakorduan që të vazhdojnë bashkëpunimin, që në një të ardhme të afërt të zhvillojnë projekte konkrete që do të kontribuojnë në zhvillimin rajonal dhe forcimin e lidhjeve ekonomike mes Republikës së Kosovës dhe Republikës së Turqisë.
