Ministri i Zhvillimit Rajonal i Republikës së Kosovës, z. Rasim Demiri, dhe Ministri i Investimeve dhe Zhvillimit Rajonal dhe Bashkëpunimit me Organizatat Joqeveritare i Malit të Zi, z. Ernad Suljević, kanë nënshkruar zyrtarisht Memorandumin e Bashkëpunimit ndërinstitucional ndërmjet dy vendeve.
Ky memorandum synon fuqizimin e marrëdhënieve dypalëshe në fushën e zhvillimit të qëndrueshëm rajonal, nxitjen e investimeve dhe përmirësimin e mirëqenies së qytetarëve në të dyja shtetet.
Shtyllat kryesore të bashkëpunimit përfshijnë:
Shkëmbimin e përvojave: Përhapja e praktikave më të mira në politikat dhe programet e zhvillimit rajonal.
Promovimin e investimeve: Nxitja dhe tërheqja e investimeve të përbashkëta rajonale.Sektorin joqeveritar: Bashkëpunimi i ngushtë me organizatat e shoqërisë civile (OJQ).
Inovacionin dhe strategjitë: Mbështetje në planifikimin rajonal, zhvillimin e ideve inovative, hartimin dhe menaxhimin e strategjive rajonale.
Aktivitetet e përbashkëta: Organizimi i trajnimeve, punëtorive, konferencave, grupeve punuese dhe vizitave të ndërsjella administrative e politike.
Përmes këtij hapi, të dyja ministritë zotohen të ndërtojnë mekanizma efektivë koordinimi për zbatimin dhe monitorimin e projekteve të përbashkëta rajonale.
